Codex diplomaticvs Hvngariae ecclesiasticvs ac civilis, INDEX ALPHABETICUS, INDEX CODICIS DIPLOMATICI HVNGARIAE ALPHABETICVS

B

Berench, castrum in C. Nitriensi.

1394. X, 3. 146. 149. – 1366. VII, 3. 129. – Stiborio ob insignia merita collatum. 1399. X, 3. 142. – (Demetrius niger, gener Erdeus de). 1298. VI, 2. 162. – (Ge. de). 1393. X, 2. 122. – (Gregorius de), summus Dispensator regis. 1409. X, 4. 721. – (Jo. de). 1293. VI, 1. 281. – (Moyus de). 1331. VIII, 3. 552. – (Pancratius de). 1439. XI, 262. – (M. St., f. Gre. de), cum f. Silvestro. 1435. X, 7. 687. – (Th. de). 1287. VII, 2. 116. – (Vitus, f. M. St. de). 1435. X, 7. 687. – poss. Co. Bethlen ad Carpatum. 1317. VIII, 2. 69. – In C. Nitr. 1299. VI, 2. 187. – Inferiorem Geroldus de Kurus vendit 100 m. Martino de Bugar, Tav. Magistro. 1287. VII, 2. 115. – Villam Berench Erdeus de Eadem armata manu invadit, incendit, spoliat ob generum suum ibidem iuste occisum. 1298. VI, 2. 162. – villa in C. Nitr. 1244. IV, 1. 348. – t. ibidem. 1287. VII, 2. 116.

CCCLXXIX.

A. Ch. 1287. Ladislaus R. H. castrenses de Poson, qui de castro eodem reuindictae generose meruerant, cum terris suis in coetum Nobilium sub vexillo regio militantium transfert.

Ladislaus, Dei gratia, Hungarie, Dalmatie, Choroatie, Rame, Seruie, Gallicie, Lodomerie, Cumanie, Bulgarieque Rex. Omnibus Christi fidelibus, presens scriptum inspecturis salutem in salutis 114largitore. Licet regia Maiestas cunctos debet e suis hominibus releuare; illos tamen fauore tenetur amplecti potiore, qui suorum seruitiorum et fidelitatum meritis corone regie specialius seruierunt; vt ex hoc honor regius augmentetur, et numerus bellatorum augeatur. Proinde ad vniuersorum notitiam tenore presentium volumus peruenire: Quod quia Paulus, filius Bolcha, de villa castri Posonien. Zaaz vocata oriundus, Laurentius, filius Buhte de Leeg, Probus filius Bytk de Hudus, similiter Castrenses eiusdem castri, seruientes Comitis Ioannis filii Buge, multa nobis obsequia gratiosa et meritoria seruitia, in recuperatione castri Poson – per Nicolaum Palatinum, filium Henrici Bani, occupatum violenter contra nostram detinebatur Maiestatem, non sine parua cede suorum cognatorum, et amissione bonorum suorum sunt perpessi, nobis et corone regie summa fidelitate impenderunt; nos volentes eis aliquali remunerationis antidoto occurrere regio cum fauore, eumdem Paulum, Iacobum, Petrum, et Pousam fratres suos, Ioannem filium Martini, et Dominicum filium Symonis de eadem villa Zaaz, item Laurentium praedictum, Cosmam, Cazimirum, et Buhte, fratres suos, Stephanum filium Rodani, et Vioch filium Vrbani de predicta villa Leeg, item Uroch filium Voyth praedictum, Andream, filium Mathe, et Paulum fratres suos; item Benkew, filium Beke, Chyguez filium Salomonis et Cosmam filium Batha de Eadem villa Hudus, de pristina eorum conditione eximentes simul cum ipsorum terris haereditarys a potestate ac iurisdictione Comitum Posoniensium exemptos penitus et exceptos in numerum, coetum et consortium 115Nobilium regni nostri duximus aggregandos. Volentes, vt tam iidem, quam eorumdem haeredes illa eadem gaudeant libertate, qua veri, puri, et naturaliter Nobiles regni nostri gratulantur, sub vexillo regio militantes. In cuius rei memoriam, perpetuamque firmitatem, ne aliqui successorum nostrorum libertatem per nos concessam valeant in irritum retractare, praesentes concessimus litteras dupplicis sigilli nostri munimine roboratas. Datum per manus discreti viri Magistri Theodori, Praepositi Zibiniensis, aulae Vice-Cancellary, dilecti et fidelis nostri. Anno Domini M. CC. Octogesimo septimo Indictione quarta decima, sexto nonas Marty, regni autem nostri anno Sexto decimo.“ L. S. pendentis.